Einelti

Einelti er ofbeldi og á aldrei að líðast. Þegar einstaklingur eða hópur ræðst að annarri manneskju oft og yfir ákveðið tímabil, er um einelti að ræða.

Einelti getur verið andlegt eða líkamlegt.

Andlegt einelti á sér stað þegar það er talað niður til einstaklings, hann kallaður ljótum nöfnum og endurtekið gert lítið úr honum. Það er líka andlegt einelti þegar einstaklingur er skilinn útundan og fær ekki að vera með hópnum.

Líkamlegt einelti felst í síendurteknum barsmíðum.

 

Hvernig getur einelti lýst sér:

- Uppnefningar og baktal 
- Sögur gerðar til að koma öðrum í vandræði 
- Telja fólk frá því að spjalla eða vingast við ákveðna einstaklinga 
- Þegar gert er grín af öðrum, svo sem vegna útlits - Hæðst af menningu, trú eða húðlit eintaklings
 - Hæðst af fötlum eða heilsuleysi
- Þegar ákveðnir einstaklingar fá ekki að vera með í leikjum
 - ítrekað gert grín að einstaklingi sem tekur það nærri sér
 - Illkvittin sms eða netpóstur 
- Þegar neitað er að vinna með ákveðnum einstaklingum í skólanum 
- Eigur annara eyðilagðar
 - Líkamlegar meiðingar, sparkað, slegið, einstaklingur felldur eða hrækt á hann.

Sá sem verður fyrir einelti ber ALDREI ábyrgð á eineltinu. Sá sem hefur orðið fyrir einelti finnur fyrir mikilli vanlíðan. Einelti getur brotið einstaklinginn niður, honum finnst hann vera lítils virði og einangrar sig. Einelti á aldrei að líðast.

Ef þú hefur orðið fyrir einelti, þá skaltu biðja um hjálp. Þú getur leitað til námsráðjgafans í skólanum þínum, skólafélagsráðgjafa eða hjúkrunarfræðings. Sumum finnst gott að byrja á því að leita til kennarans. Mundu að einelti er aldrei þér að kenna. Ef þú sérð einhvern vera að leggja annan í einelti þá skaltu láta vita. Einelti á aldrei að líðast.

Þú getur skrifað okkur á barnaheill@barnaheill.is og við munum svara þér.

Ef þú þarf hjálp núna geturðu hringt í hjálparsíma Rauða krossins 1717. Hann er opinn allan sólarhringinn og það kostar ekkert fyrir þig að hringja í hann.

Ef um neyðartilvik er að ræða hringdu þá í 112.

Hér að neðan eru tenglar með nánari upplýsingum um einelti.

Vinátta

Olweus

SAFT

Persóna

Tótalráðgjöf

Heimili og Skóli

Ef ég bara hefði vitað

Umboðsmaður barna